shadi ke baad kyon badal jate hai ladke apne maa-baap ke liye??

Mene maximum ye dekha hai ki shadi ke baad ladke ek dam se badal jate hai aakhir kya kya reason hai ishke piche,kyon hamare desh mein old age home ki ginti din-b-din badhti jaa rahi hai, kyon jis umar mein hame apne maa-baap ko zindagi ki harr khushi harr aram dena chahiye ush umar mein ham unki ungli pakad kar unhe old age home ka rasta dikha dete hai.. Mere ish post mein main inhi sab bato par discuss krungi or apne personal experience bhi share karungi..

Reasons

Unki Biwiya

Sabse pahela or important reason hai unki biwiya, zahir si baat hai agar Shaadi ke baad ladko ke nature mein kuch hatt kar dekhne ko  milta hai tow ushke piche sabse bada yogdaan hota hai unki dharam patniyo ka.. ladkiya apne husbands ko itna jyada torture kar deti hai ki bechare chaha kar bhi kuch nahi kar pate or apna sara gussa apne maa-baap par nikal dete hai.. pata nahi kaun sa jaadu ladkiya apne husbands par kar deti hai ki kabhi kabhi ladke sahi ko sahi or galat ko galat tak kahene ki himmat nahi kar pate hai..

Mujhe samajh nahi aata hai kyon ladkiya apne sas sasur ko apne maa-baap nahi manti..kyon wo unke sath ek acchi beti banker nahi rahe pati..aakhir reason kya hote hai ishke piche..Mene tow yaha tak dekha hai aajkal shadi ki date baad mein nikalti hai, usse pahele hi ladkiya apne future coming husband ko bol deti hai ki mere aane se pahele aap apne parents ka kahi or bandobasht kar dena…

Mera un sabhi ladkiyo se ye question hai ki aap hi batao ki Maa-Baap kaha jaye, kaha unka beta unke rahene ka bandobasht kare,????? Kal ko aap log bhi maa banoge…Mujhe bataiye ki aap kya chahegi ki aap apne bête ki shaadi karane ke baad kaha rahe, apne ush ghar mein jis ghar ko aapne apne khoon paseene se sichaa thaa kabhi, ya phir Vridha Aashram???

Ghar ki Zameen Zayezaad

Aisa nahi hai ki  har maa-baap ke prati jo kada rukh ladka apnata hai ushke piche hamesha biwiya hi zimmedar hoti hai Paisa bhi ek bahot hi important kaaran hai jiski wajaha se ladko ka mind dusri disha mein chalne lagta hai..jaisa ki aap sabko pata hai ki paisa aaj ki date mein sabkuch hota hai…paise se hi ham sare aram ko bahot asani se khareed lete hai..lekin paiso ke nashe mein log itna doob jate hai ki wo ye bhi bhool jate hai ki ye paisa unke khoon ke rishto ko bhi kharab kar raha hai, Ladke itna pagal ho jate hai apne maa-baap ki jayezaat pane ke wo apne maa-baap ko old age home ka rasta dikhane mein bhi nahi katrate hai. Aisa khaskar waha hota hai jaha 2 bhai hote hai, dono hi ish soch mein rahete hai ki kahi unke parents ne sari jayezaad dusre ko de di tow…infact unki property pane ke liye wo unka khoon tak karne se nahi katrate hai…

Galat Sangat

Biwiya or Paiso ko agar chord diya jaye tow galat sangat bhi ladko ko unke maa-baap se door karne mein bhot hi aham bhoomika nibhate hai, bahot si jagaha par mene khud dekha hai…ki paisa bhi accha khasa hai ladka ek lota hai sari property uske maa-baap ki use hi milti hai, wife bhi acchi hai, bahot seva or izzat karti hai apne saas sasur ki, par ab ladke ki sangat ne sare ghar ke mahol ko ganda kiya hota hai, wo nasha karta hai, usne aise dost banaye hote hai ki jo use galat chizo mein ghaseet dete hai ki wo bhool jata hai ki wo kaha se belong karta hai or uske maa-baap kaun hai, wo ush sangat ke rahete aise aise karname karta hai jisse wo apne maa-baap or family se din b din door ho jata hai.

Leave a Reply

Your email address will not be published. Required fields are marked *